११ असार, भेनेजुएला । दक्षिण अमेरिकी राष्ट्र भेनेजुएला मा शक्तिशाली भूकम्प गएपछि सरकारले देशभर आपत्काल घोषणा गरेको छ। भूकम्पबाट ठूलो जनधनको क्षति भएको आशंका गरिँदै उद्धार तथा राहत कार्यलाई तीव्र बनाइएको छ। कार्यवाहक राष्ट्रपति डेल्सी रोड्रिगेज ले राष्ट्रका नाममा सम्बोधन गर्दै आपत्काल घोषणा गरेकी हुन्। सम्बोधनका क्रममा गृहमन्त्री तथा राष्ट्रियसभाका प्रमुख जर्ज रोड्रिगेज समेत उपस्थित रहेका थिए। सरकारले प्रभावित क्षेत्रमा राहत, उद्धार र पुनःस्थापना कार्यको समन्वय गर्न एक उच्च सैनिक अधिकारीलाई जिम्मेवारी दिएको जनाएको छ। भूकम्प प्रभावित क्षेत्रमा सुरक्षाकर्मी, स्वास्थ्यकर्मी तथा उद्धार टोली परिचालन गरिएको छ।
अमेरिकी भूगर्भ सर्वेक्षण (USGS) का प्रारम्भिक मूल्याङ्कन अनुसार मृत्यु हुनेको संख्या अत्यधिक हुन सक्ने सम्भावना रहेको छ। संस्थाले मृतक संख्या १० हजारभन्दा बढी पुग्ने जोखिम रहेको आकलन गरेको छ। भूकम्पको केन्द्रबिन्दु राजधानी काराकास आसपास रहेको बताइएको छ। केही सेकेन्डको अन्तरालमा ७.२ र ७.५ म्याग्निच्युडका दुई शक्तिशाली भूकम्प गएको प्रारम्भिक विवरणमा उल्लेख छ।
भेनेजुएलाको राजधानी काराकास आसपास शक्तिशाली भूकम्प गएपछि सरकारले आपत्काल घोषणा गरेको छ। अमेरिकी भूगर्भ सर्वेक्षणले मृत्यु हुने संख्या १० हजार नाघ्न सक्ने अनुमान गरेको छ।
अन्तर्राष्ट्रिय सञ्चारमाध्यमहरूका अनुसार भूकम्पका कारण भवनहरूमा क्षति पुगेको, सडक संरचना प्रभावित भएको तथा विभिन्न क्षेत्रमा सञ्चार र विद्युत् सेवा अवरुद्ध भएको छ। यद्यपि क्षतिको पूर्ण विवरण आउन अझै समय लाग्ने जनाइएको छ। उद्धार टोलीहरूले भग्नावशेषमा फसेकाहरूको खोजी तथा उद्धार कार्य जारी राखेका छन् भने सरकारले नागरिकलाई सतर्क रहन र आधिकारिक सूचनामात्र विश्वास गर्न आग्रह गरेको छ।
यो पनि पढ्नुहोस: मेडिकल सिट संख्या बढाउने निर्णय फिर्ता गर्न डा. गोविन्द केसीको माग, (रास्वपा) को प्रथम महाधिवेशन | मतदान १२ बजेसम्म चल्ने, करिब ३ हजार मत खस्ने अनुमान, चोरी गरी अमेरिका पुर्याइएका नेपालका दुई अमूल्य मूर्ति स्वदेश फिर्ता, फेवातालमा डुबेका युवकको उपचारका क्रममा मृत्यु, एमाले उपाध्यक्ष विष्णु पौडेल सम्पत्ति शुद्धीकरण अनुसन्धानमा पक्राउ, के छन् आरोप ?, विनोद शाही हत्या : फैसला, कांग्रेस नगर सभापतिसहित ६ जनालाई जन्म कैद, लागुऔषधसहित वडा सदस्य रूपा जैरू पक्राउ | , हास्य कलाकार खेम शर्माको निधन, बाढी र पहिरोको प्रभाव : देशका विभिन्न राजमार्गमा यातायात प्रभावित, पर्यटन प्रवर्धन र आगन्तुकहरुको लागि Tarevir.com को सुरुवात
Leave a Reply